Uncategorized — 25/07/2014 at 15:00

Henry: Var forréttindi að vera í Arsenal treyjunni

by

Arsenal Training Session and Press Conference

Á laugardaginn verður sérstakur atburður hjá Arsenal, en þeir taka á móti New York Red Bulls í vináttuleik.

Leikurinn er forvitnilegur, ekki síst fyrir þær sakir að markahæsti leikmaður í sögu Arsenal, Thierry Henry, er að fara að mæta sínum gömlu félögum.

Á blaðamannafundi var Henry að sjálfsögðu spurður út í tíma sinn hjá Arsenal.

,,Að vera í treyjunni var forréttindi fyrir mig. Ég skildi það þegar ég fór og kom til baka 2012 til að spila þessa sjö eða átta leiki. Að vera í Arsenal treyjunni var mikilvægasti hluturinn og það er ótrúleg tilfinning.”

,,Þetta hljómar skrítið að spila gegn Arsenal en í raun verður þetta eins og að vera á æfingu því ég hef æft með þeim utan tímabils.”

,,Það sem ég er ánægður með er að bandarískir aðdáendur fá að sjá Arsenal og fyrir suma að geta spilað gegn þeim því sumir okkar voru ekki hér þegar við spiluðum gegn Arsenal í Emirates Cup.”

,,Ég held það verði frábært fyrir þá að spila gegn liði eins og Arsenal FC”

Ritari – Eyþór Oddsson

Comments

comments