Uncategorized — 05/03/2013 at 23:16

Bendtner tekinn fyrir ölvunarakstur

by

Arsenal v Juventus - Emirates Cup

Nicklas Bendtner var tekinn fyrir ölvunarakstur um síðustu helgi og má ekki spila með danska landsliðinu næstu sex mánuðina.

Danska knattspyrnusambandið ákvað þetta í dag og tilkynnti á heimasíðu sinni. Bendtner baðst afsökunar á Twitter-síðu sinni en sagði þó að um „vægt” tilfelli ölvunaraksturs hafi verið að ræða.

„Kæru vinir. Í gær var ég bókaður fyrir vægt tilfelli af ölvunarakstri. Þetta var rólegt kvöld en ég bið alla vini mína og aðdáendur afsökunar. Það er ekki í lagi að keyra eftir að hafa drukkið áfengi. Ég tek fulla ábyrgð á þessu,” skrifaði Bendtner.

Eins og flestir vita þá er Bendtner enn samningsbundinn Arsenal en hann er í láni hjá Juventus.

Bendtner mun missa af leikjum Dana gegn Tékklandi, Búlgaríu og Armeníu í undankeppni HM 2014.

Comments

comments